בזמן הזה איז דא א חיוב פון מקבל פני רבו ברגל? / הרב פנחס וויליגער
סוכה י ע"ב
מסכת סוכה (דף י' ע"ב) אתמר נויי סוכה המופלגין ממנה ארבעה, רב נחמן אמר כשרה, רב חסדא ורבה בר רב הונא אמרי פסולה, רב חסדא ורבה בר רב הונא איקלעו לבי ריש גלותא אגנינהו רב נחמן בסוכה שנוייה מופלגין ממנה ארבעה טפחים, אשתיקו ולא אמרו ליה ולא מידי, אמר להו הדור בהו רבנן משמעתייהו אמרו ליה אנן שלוחי מצוה אנן ופטורין מן הסוכה. איז די רש"י מפרש שלוחי מצוה אנן להקביל פני ראש גולה דחייב אדם להקביל פני רבו ברגל עיי"ש.
די גרויסע גאון ר' יואב יהושע וויינגרטען זצוקל"ה די מחבר פונעם שו"ת חלקת יואב האט ארויסגעגעבען א גאנץ ספר מיטען נאמען קבא דקשייתא וואס האט הונדרעט אין דריי קשיות (כמנין קב"א) בכל חלקי הש"ס אן תירוצים, אין קשיא פ"א פרעגט ער א קשיא אופנ'ס נודע ביהודה, די קשיא גייט אזוי די נודע ביהודה מהד"ת (או"ח סימן צ"ב) איז מחדש דבזמן הזה איז ניט דא קיין מצוה פון קבלת פני רבו ברגל, וויבלאד עס איז ניט דא קיין מצוה פון ראייה פני ה' בערה, ושלא יהיה גדול כבוד רבו מכבוד שמים, דערפאר ברענגט ניט די שו"ע די הלכה פון ר' יצחק חייב אדם להקביל פני רבו ברגל דאין דרכם להביא רק מה שנוגע בזמננו, לכן השמיטו דבר זה שאינו חיוב עתה.
פרעגט די חלקת יואב אז פון אונזער גמ' זעהט מען אז אפי' נאכ'ן חורבן בית המקדש איז רב חסדא אין רבה בר רב הונא געגאנגען מקבל פני רבן די ריש גלותא. די קשיא ווערט שוין דערמאנט אין ספר שנות חיים (ס' של"ד) פון ר' שלמה קלוגר זצ"ל אין אסאך קובץ'ים במשך הדורות האט מען פארבירט צו פארענטפערען די נודע ביהודה.
אין קובץ זכרו ברוך פארענטפערט די קשיא אזוי, די מהר"ץ חיות אין מס' גיטין (דף ב') ברענגט פונעם מדרש אז אפי' נאכן חורבן בית המקדש איז מען נאך אלץ געגאנגען עולה רגל זיין, במשך א שיינעם תקופה נאכ'ן חורבן. קומט אויס אז אין יענעם תקופה וואס מען איז געגאנגען עולה רגל זיין נאכ'ן חורבן יאמאלט איז אויך געווען א חיוב מקבל פני רבו ברגל, און אין יענעם תקופה האבען רב חסדא און רבה בר רב הונא געלעבט, משא"כ בדורות שלאח"ז ובפרט בדור של השו"ע וואס מען איז שוין מער ניט געגאנגען עולה רגל זיין איז טאקע ניט דא קיין חיוב פון מקבל פני רבו ברגל.
הרב פינחס וויליגער מח"ס נופת צופים ושמחת בחגך מונטריאל קאנאדא
